ka´i ,tapiti wamume ´u haw xe a´e no.

ALDEIA BACURIZINHO ONLINE

 LÍNGUA TUPI-GUARANI (ETNIA GUAJAJARA)

Ka´i ,tapiti wamume´u haw xe a´e no. (A história de macaco e coelho)

Ka´i  kaipo  uzemyrypar  tapiti  rehe a ´e  no, tikar ma ´e  wizài  zaha  ka ´a  rupi  ty kupat tapiti ,i ´i kaipo ka´i izupe no,ihe aekar putar pànàm ihe nehe pa , ne  nià nehe no Xe, erekar  moi nià  nehe no pa, i ´i  kaipo  ka´i tapiti  pe Xe.oho kaipo wá kury: uwata  tetea´u  kaipo  wà  tapiti  kaipo  ikiny´o  a´e kury, upyta  a´e  pe  no ukker  kury. Ka´i  kaipo  ur  ikupe  kutyr  a ´e  kury , umutymutykahy  kaipo   ka´i tapiti  inami  rehe  ywate  kutyr  izuwi no, ipuruzukaiw-ahy tapiti  izupe  a´e  à no kupat ka´i ne  re´o eiko  nià ty! i´i ahyahy kaipo  izupe pa. a´e ka´i uze´eg  izupe

Kury azawy heremiapo kwei newe ty kupat i´i izupe no tapiti,  pànàm e zepe  nemi kwei ihewe ty! i´i  izupe  no tapiti kaipo  i´i izupe a´e à no, ikatu aipo a ´e  rupi no ty kupat, eremukuzar putar ihewe  nià  nehe no pa, i ´i  izupe a´e  à  no. Wekar wi ma ´e  oho mume  uzeuwi  wà  no, nezewe re  kaipo  Xe, ka´i  a´e  no Xe,  ikenê´o kaipo a ´e kury  no,tapiti  kaipo  ume´e umurypar huwai rehe a´e no Xe , uzepy´a po, kury tyrytyka´i eremukuzar  putar ihewe kury  pa, i´i  uzeupe  a´e  no, wexak kaipo ywyra ikwer kury ,unupà ahyahy kaipo huwai izuwi a ´e no pa, umui´i  o´oahy kar  imume´e  kar pà  no, máràzewe  zepe  nezewe  iapo  haw ihewe  no  ty , kupat , i´i  ti   ka´i   izupe  a ´e  à  no, tapiti   i´i   izupe  a ´e   no , nan  kwaw  ty  kupat  ka´i,  Ihe  aexak neruwai kwei   puku kwei  uzepakwa  pakwar   mehe Xe , moi   we  kwei  zepe   kwei   ihewe  ty!   a´e  Tapiti   i´i   izupe   a ´e  no,   nan  kwaw   zepe  nezewe   heporapo   wer   kwei   nerehe  ty,   a´e  rupi   ezekaiw zo  a ´e   nezewe awer  rehe  nià  no pa,  ne nupà  wi  kwaw  kury  Xe,  i´i   tapiti izupe   a ´e   no.

Upaw kury. (final)

karazaò (grajaù) 27/04/2013